என்னைப் பற்றி..

பதிவுலக வரலாற்றில் இது வரை எழுதப்படாத ஒரு சரித்திரமாய், யாரும் இது வரையில் கண்டிராத ஒரு புதிய முயற்சியாய், படிப்போரை வியப்பில் ஆழ்த்தும் வண்ணம், என்றும் நினைவில் இருந்து நீங்காத ஒரு,...

சரி சரி.. டென்ஷன் ஆகதீங்க.. சும்மா.. முதல் பதிவு.. அதனால ஒரு பில்ட்-அப்'ஓட ஆரம்பிக்கலாம்னு நினைச்சேன்..

மற்றபடி தனியா எடுத்து சொல்ற அளவுக்கு எதுவும் இல்லீங்க.. நானும் உங்களை போல் ஒரு நாள் பிரபல பதிவராக வேண்டும் என்ற ஆசையில் இன்று எனது முதல் பதிவை வெளியிடும் ஒரு சராசரி மனிதன் (ஒரு நாள் மட்டும் பிரபல பதிவராக இருந்தால் போதுமா என்ற எதிர் கேள்வி கேட்க தடை செய்யப்பட்டுள்ளது)..

இங்கு, நான் இரு பதிவர்களை பற்றி நிச்சயம் குறிப்பிட்டாக வேண்டும்.. முதலாவதாக அண்ணன் கே கே அவர்களை பற்றி.. எனக்கு பதிவுலகம் பற்றி தெரிந்ததே இவரின் பரிசல்காரன் மூலமாக தான்.. நாமும் ஒரு நாள் பதிவு எழுத வேண்டம் என்ற எண்ணம் எனக்குள் உருவாக காரணமாக இருந்தது இவரின் எழுத்து நடையும் அதனுள் எப்போதும் இழையோடும் மெல்லிய நகைச்சுவையும் தான்..

அடுத்ததாக அண்ணன் ஆதி.. அது என்னமோ தெரியலங்க, அவரு என்ன எழுதுனாலும் நமக்கு ரெம்ப பிடிக்கும்.. அவரு சொல்ற பல விஷயங்கள் நமக்கும் எப்பவோ நடந்திருக்குற மாதிரி ஒரு பீலிங்(சத்தியமா எனக்கு இன்னும் கல்யாணம் ஆகலீங்க)..

இவங்க ரெண்டு பேருக்கும் என்னைய யாரு'னே தெரியாது.. ஆனா 'போக்கிரி'ல பிரகாஷ்ராஜ் சொல்ற மாதிரி, 'இவங்களுக்கும் எனக்கும் சம்பந்தம் இருக்கா இல்லையானு கண்டு பிடிக்க இன்னும் பத்து வருஷமாகும்(ஒரு டயலாக் தான்)'.. இந்த டைம் கேப்'அ யூஸ் பண்ணி பெரிய ஆள் ஆயிடலாம்னு பிளான் பண்ணிருக்கேன்..

ஆதலால், அனைவரும் எனக்கு ஆதரவளித்து என்னையும் உங்களுடன் இந்த நெடுந்தூர பயணத்தில் அழைத்து செல்லுமாறு உங்களனைவரையும் தாழ்மையுடன் கேட்டுக்கொள்கிறேன்(வை கோ மாதிரி எதுனா நடைபயனமானு கேட்டுடாதீங்க)..

பி.கு.

எனக்கு முதன் முதலாக பின்னூட்டமிட்ட அண்ணன் வால்பையனின் கருத்துக்கிணங்க எனது முதல் பதிவாக அவர் விரும்பிய(ச்சே ச்சே, நமக்கும் அதுக்கும் சம்பந்தமே இல்லப்பா) சரக்கை பற்றி எழுத திட்டமிட்டுள்ளேன்.